تعلم قراءة التاب

اأعضائنا الكرام

كيفكم ان شاء الله بخير
فبحكم معرفتي بقراءة التاب البسيطة حبيت اشرح للي ما يعرف يقرا التاب كيف يقراه

/ اولاً : لازم تعرف اسماء الاوتار بالترتيب عشان تعرف ترتيب الاوتار بالتاب مثلاً
----------------------------------------E 1
----------------------------------------B 2
----------------------------------------G 3
----------------------------------------D 4
----------------------------------------A 5
----------------------------------------E 6
mi , ci , sol , ri , la , mi

ثانيا ً : بيجيك شكل التاب نفس ما هو موضّح بس الاغلب ما في حروف اللي هي اسماء الاوتار في كذا شيء بديهي انه الوتر الغليظ هو آخر واحد من تحت . (يعني أول وتر في التاب هو اخر وتر بالجيتار من عندك)

ثالثا ً : هذا هو التاب
--------------------------------------0---1--3--1--0-
----------------------1--0--1--3--0-----------------
-----------2--1--2-----------------------------------
------------------------------------------------------
------------------------------------------------------
------------------------------------------------------
كل خط يمثل وتر متل ما قلنا بالبداية والارقام هذه اللي فيه هي الخانات والصفر يعني ينعزف فاضي بدون ان تضغط على خانة
يعني يصير الوتر الاول فوق / وتر فاضي , الخانة الاولى , الخانة الثالثة , الخانة الاولى , الوتر فاضي ؛؛ اتوقع فهمتوا ^_^
التاب ينعزف من اليسار لليمين بترتيب الارقام يعني ما تجي ارقام تحت بعض الا انها وحدة من الثنتين يا انها كورد زي كذا

-------------------------------0-- الوتر فاضي
-------------------------------0-- الوتر فاضي
-------------------------------1-- الخانة الاولى الوتر الثالث
-------------------------------2-- الخانة الثانية الوتر الرابع
-------------------------------2-- الخانة الثانية الوتر الخامس
-------------------------------0-- الوتر فاضي

هذا كورد ينعزف بالرتم اللي يعجبك او برتم الاغنية اللي تعزفها

هذا بالنسبة للكورد , والاحتمال الثاني هو انه تعزف الاوتار مع بعض مثلا متل

-----------------5----------
---------------------------
---------------------------
---------------------------
---------------------------
----------------0-----------


هذا تعزف الوتر السادس فاضي و الوتر الاول ( اللي هو اللي تحت ) الخانة الخامسة مثل ما هو موجود بالرومانزا مع بعض

وتمشي زي كذا مع التاب من اليسااااااااار الى ما يخلص وتذكر ان كل رقم يعبر عن خانة وكل وخط يعبر عن وتر وكل رقم 0 يعبر عن عزف الوتر فاضي بدووون ضغط

طبعا ً في اشياء كثيييير بالتاب ما اعرفها للحين وهي الازمان وكذا اتمنى من اللي يعرف يفيدنا